Gaddichamanthi : గడ్డి చామంతి ఆకులతో బీపీ, షుగర్‌, చర్మ సమస్యలన్నీ మాయం..
మొక్కల్లో Gaddichamanthi మొక్క ఒకటి. దీన్నే నల్లాలం మొక్క అని కూడా అంటారు. ఆయుర్వేద ప్రకారం ఈ మొక్క ఎన్నో వ్యాధులను నయం చేస్తుంది. పంట పొలాల్లో గట్ల మీద కూడా పెరుగుతుంది. దీని ఆకులలో ఔషధ గుణాలు ఉంటాయి
Shailaja Talari 
గడ్డి మొక్కలను మనం చూస్తూనే ఉంటాం.. వీటితో మనకు ఏం లాభం అనుకుంటారు.. కానీ ఈ మొక్కలకు ఎన్నో రోగాలను నయం చేసే శక్తి ఉంది. మొక్కల్లో Gaddichamanthi మొక్క ఒకటి. దీన్నే నల్లాలం మొక్క అని కూడా అంటారు. ఆయుర్వేద ప్రకారం ఈ మొక్క ఎన్నో వ్యాధులను నయం చేస్తుంది. పంట పొలాల్లో గట్ల మీద కూడా పెరుగుతుంది. దీని ఆకులలో ఔషధ గుణాలు ఉంటాయి. అవి మనకు ఎంతగానో ఉపయోగపడతాయి.
గడ్డి చామంతి ఆకులను తీసుకుని నలిపి పుండ్లు, గాయాలు, దెబ్బలు, వాపుల మీద వేసి కట్టులా కడుతుంటే అవి త్వరగా మానుతాయి. షుగర్‌ లెవల్స్‌ను తగ్గించడంలోనూ గడ్డి చామంతి ఆకులు బాగా పనిచేస్తాయి. ఈ ఆకుల్లో ఉండే జేర్యలోనిక్‌ అనే రసాయనం షుగర్‌కు బాగా పనిచేస్తుంది. అందువల్ల ఈ ఆకుల రసాన్ని రోజూ ఉదయం పరగడుపునే అర టీస్పూన్‌ మోతాదులో తీసుకోవాలి. దీంతో షుగర్‌ లెవల్స్ తగ్గిపోతాయి. ఈ మొక్క ఆకులతో హైబీపీ కూడా తగ్గుతుంది.
నీటిలో గడ్డి చామంతి ఆకులను వేస్తే ఫ్లోరైడ్‌ నశిస్తుంది. దీంతో ఆ నీరు శుభ్రంగా మారుతుందని పరిశోధకులు చెబుతున్నారు.
గడ్డి చామంతి ఆకులను ఉపయోగించి తెల్లని వెంట్రుకలను నల్లగా మార్చుకోవచ్చు. గడ్డి చామంతి ఆకులు, గుంటగలగర ఆకులు, నల్ల నువ్వుల నూనెలను తీసుకోవాలి. గడ్డి చామంతి ఆకుల నుంచి రసం తీసి...అలాగే గుంటగలగర ఆకుల నుంచి కూడా రసం తీయాలి. ఈ రెండు ఆకుల రసాలను నువ్వుల నూనెలో కలపి.. ఆ మిశ్రమాన్ని సన్నని మంటపై మరిగించాలి. ఈ క్రమంలో నూనె మాత్రమే మిగిలే వరకు ఆ మిశ్రమాన్ని మరిగించాలి. తరువాత ఆ నూనెను తీసి పక్కన పెట్టాలి. నూనెను చల్లారిన తరువాత కొద్దిగా తీసుకుని జుట్టుకు కుదుళ్లకు బాగా తగిలేలా పట్టించాలి. రాత్రి ఈ నూనెను రాసి ఉదయం తలస్నానం చేయాలి. ఇలా వారంలో రెండు సార్లు చేయాలి. దీంతో తెల్ల జుట్టు నల్లగా మారుగుతుంది. ఈ విధంగా చేయడం వల్ల ఇతర జుట్టు సమస్యలు కూడా పోతాయి. శిరోజాలు దృఢంగా, ఒత్తుగా పెరుగుతాయి.
గడ్డి చామంతి ఆకులతో దోమలను తరిమేయవచ్చు. ఈ మొక్క ఆకులను నీడలో ఎండబెట్టాలి. అనంతరం వాటిని ఇంట్లో మండించి పొగబెట్టాలి. ఆ పొగకు దోమలు దూరంగా పోతాయి. ఈ విధంగా దోమలను తరిమేయవచ్చు.
అన్ని రకాల చర్మ వ్యాధులకు ఈ మొక్క ఆకులు బాగా పనిచేస్తాయి. వీటి ఆకుల రసాన్ని రాస్తే తామర, గజ్జి, బొబ్బలు తగ్గిపోతాయి.
ఈ మొక్క ఆకుల రసాన్ని తీసుకోవడం వల్ల వీర్యం బాగా ఉత్పత్తి అవుతుంది. సంతానం కలిగే అవకాశాలు మెరుగు పడతాయి.
గడ్జి చామంతి ఆకులతో ఈ సమస్యలకు సొల్యూషన్‌..
- గడ్డి చామంతి ఆకులను తీసుకుని నలిపి పుండ్లు, గాయాలు, దెబ్బలు, వాపులు తగ్గిస్తుంది.
- నీటిలో గడ్డి చామంతి ఆకులను వేస్తే ఫ్లోరైడ్‌ నశిస్తుంది.
- అన్ని రకాల చర్మ వ్యాధులకు ఈ మొక్క ఆకులు బాగా పనిచేస్తాయి.
- ఈ మొక్క ఆకుల రసాన్ని తీసుకోవడం వల్ల వీర్యం బాగా ఉత్పత్తి అవుతుంది.
- గడ్డి చామంతి ఆకులను ఉపయోగించి తెల్లని వెంట్రుకలను నల్లగా మార్చుకోవచ్చు.
గమనిక :
ఇందులోని అంశాలు, సూచనలు, సలహాలు, సమాచారం కేవలం అవగాహన కోసం మాత్రమే. ఇది వైద్య నిపుణుల సూచనలకు ప్రత్యామ్నాయం కాదు.. సందేహాలు సంబంధిత నిపుణుల‌ను సంప్ర‌దించండి.
