Hair loss : జుట్టు రాలడాన్ని ఆపాలంటే.. ఇలా చేయండి చాలు..!

Hair loss : జుట్టు బాగుంటే..మనం బాగుంటాం.. మనం బాగుంటే..మన మెంటల్‌ ఎబిలిటీ బాగుంటుంది. వీటన్నింటికి ఇంటర్‌ కనక్షన్‌ ఉంటుంది. ఎవరికైతే చాలా తక్కువ జుట్టు, అబ్బాయిలకు చిన్న వయసులోనే.. బట్టతల లాంటి సమస్యలు ఉంటాయో..వాళ్లు..మానసికంగా కుంగిపోతారు. కాన్ఫిడెన్స్‌ను వాళ్లకు తెలియకుండానే కోల్పోతారు. మీకు కూడా జుట్టు రాలే సమస్యలు ఉంటే.. ఈ చిట్కాలను ఒకసారి ట్రై చేయండి. వీటి వల్ల జుట్టు రాలడం ఆగి.. బాగా పెరుగుతుందట.!

మ‌న శ‌రీరంలో ఐరన్‌, జింక్‌, విట‌మిన్ బి7 (బ‌యోటిన్‌)లు జుట్టు సంర‌క్ష‌ణ‌కు ప్రధాన కార‌ణ‌మ‌వుతాయి. ఇవి ఉండే ఆహారాల‌ను అధికంగా తీసుకుంటే జుట్టు బాగా పెరుగుతుంది. ముఖ్యంగా కోడిగుడ్లు, చేప‌లు, మ‌ట‌న్ లివ‌ర్‌, తృణ ధాన్యాలు, న‌ట్స్‌, సీడ్స్‌, అవ‌కాడో, పెరుగు, చీజ్, మొల‌కెత్తిన విత్త‌నాల‌ను రోజూ తీసుకోవాలి.. నాన్‌వెజ్‌ రోజు కాకపోయినా వారానికి ఒకటి రెండు సార్లు అయినా తినాలి..వీటి వ‌ల్ల ముందు చెప్పిన విట‌మిన్లు, మిన‌ర‌ల్స్ శ‌రీరానికి ల‌భిస్తాయి. దీంతో జుట్టు ఆరోగ్యంగా ఉంటుంది. దృఢంగా మారుతుంది. జుట్టు రాల‌డం త‌గ్గి పెరుగుతుంది. చుండ్రు నుంచి కూడా బ‌య‌ట ప‌డ‌వ‌చ్చు.

ఆయిల్‌ కూడా ముఖ్యమే..

ఇక జుట్టుకు రాసే నూనె కూడా ముఖ్య‌మైందే. దీని వ‌ల్ల కూడా జుట్టు స‌మ‌స్య‌లు త‌గ్గుతాయి. జుట్టుకు నూనె రాసి 10 నిమిషాల పాటు సున్నితంగా మ‌ర్ద‌నా చేసుకోవాలి.. జుట్టు కుదుళ్ల‌కు త‌గిలేలా మ‌ర్ద‌నా చేయాలి. దీని వ‌ల్ల త‌ల‌కు ర‌క్త‌స‌ర‌ఫ‌రా మెరుగు ప‌డుతుంది. జుట్టు రాలడానికి మెయిన్‌ రీజన్.. బ్లడ్‌ సర్కూలేషన్ లేకపోవడమే..ఆయిల్‌ పెట్టిన ప్రతిసారి స్కల్‌కు మసాజ్‌ చేస్తే.. పోష‌కాలు బాగా ల‌భిస్తాయి. జుట్టు రాల‌డాన్ని ఆప‌వ‌చ్చు. 

అయితే త‌ల‌కు కొబ్బ‌రినూనె లేదా బాదంనూనె రాస్తే మంచిది. ఏ నూనె అయినా కాస్త వేడి చేసి రాస్తే ఇంకా మంచి ఫ‌లితం ల‌భిస్తుంది. జుట్టుకు నూనె రాశాక ట‌వ‌ల్‌ను త‌ల‌కు చుట్టి 5 నిమిషాల పాటు ఉండాలి. త‌రువాత ట‌వ‌ల్‌ను తీసేయాలి. దీంతో జుట్టు నూనెను బాగా గ్ర‌హిస్తుంది. అక్క‌డి చ‌ర్మంలోకి నూనె పోతుంది. మీరు అనుకోవచ్చు..అలా అయితే ఆయిల్‌ అంతా టవల్‌కే అంటుతుంది కదా అని..అలా ఏం జరగదు..టవల్‌ కాకపోతే.. హెయిర్‌ క్యాప్స్‌ ఉంటాయి అవి పెట్టుకోండి. దీంతో ఆ నూనె జుట్టుకు పోష‌ణ‌ను అందిస్తుంది. ఇక ట‌వ‌ల్ తీసిన త‌రువాత 1 గంట పాటు అలాగే ఉండి ఆ త‌రువాత త‌ల‌స్నానం చేయాలి. ఇలా వారంలో రెండు సార్లు చేస్తే మంచి ఫ‌లితం ఉంటుంది.

వారానికి ఎన్నిసార్లు తలస్నానం చేయాలి..?

త‌ల‌స్నానం వారానికి ఎన్ని సార్లు చేయాల‌నే సందేహం చాలా మందికి ఉంటుంది. పొడి జుట్టు ఉన్న‌వారు వారానికి మూడు సార్లు త‌ప్ప‌కుండా త‌ల‌స్నానం చేయాలి. ఇత‌రులు రెండు సార్లు చేస్తే చాలు. ఇలా జుట్టును సంర‌క్షించుకోవ‌చ్చు. జుట్టు రాల‌డాన్ని త‌గ్గించ‌వ‌చ్చు. జుట్టు పెరుగుద‌ల కూడా వేగంగా ఉంటుంది. 

వారంలో రెండు సార్లు జుట్టుకు ఉల్లిపాయ ర‌సం రాసి ఆ త‌రువాత త‌ల‌స్నానం చేయాలి. లేదా కరివేపాకుల పొడిని కూడా ఉప‌యోగించ‌వ‌చ్చు. ఇందులో కాస్త కొబ్బ‌రినూనె క‌లిపి జుట్టుకు రాసి త‌రువాత 1 గంట‌య్యాక త‌ల‌స్నానం చేయాలి. ఈ విధంగా చిట్కాల‌ను పాటిస్తే జుట్టు బాగా పెరుగుతుంది. ఇలాంటి చిన్న టిప్స్‌ పాటిస్తే..మీ జుట్టు హెల్తీగా ఉంటుంది.