యువతలో పెరిగిపోతున్న కార్డియాక్ అరెస్ట్‌లు.. ఈ లక్షణాలను లైట్‌ తీసుకోకండి..!
గుండె సమస్యలు ఈరోజుల్లో చిన్నా పెద్దా తేడా లేకుండా అందరికీ వస్తున్నాయి.. ఒకప్పుడు పెద్దవాళ్లు మాత్రమే గుండెనొప్పితో బాధపడేవాళ్లు, హార్ట్ ఎటాక్‌లు కూడా వాళ్లకే వచ్చేవి.. కానీ ఇప్పుడు స్కూల్‌కు వెళ్లేపాప నుంచి..
Mahesh
146
గుండె సమస్యలు ఈరోజుల్లో చిన్నా పెద్దా తేడా లేకుండా అందరికీ వస్తున్నాయి.. ఒకప్పుడు పెద్దవాళ్లు మాత్రమే గుండెనొప్పితో బాధపడేవాళ్లు, హార్ట్ ఎటాక్‌లు కూడా వాళ్లకే వచ్చేవి.. కానీ ఇప్పుడు స్కూల్‌కు వెళ్లేపాప నుంచి.. కాలేజ్‌కు వెళ్లే అమ్మాయి వరకూ అన్ని వయసుల వారికి గుండెజబ్బులు వస్తున్నాయి.. కారణం మనం చిన్నప్పటి నుంచి తినే ఆహారం..గుండెకు అనుసంధానం అయి ఉండే ర‌క్త నాళాల్లో ఏమైనా అడ్డంకులు ఉంటే హార్ట్ ఎటాక్ వ‌స్తుంది. అదే గుండె కండ‌రాల‌కు ఆక్సిజ‌న్‌, ర‌క్త స‌ర‌ఫ‌రా స‌రిగ్గా జ‌ర‌గ‌క‌పోయినా.. వాటి స‌ర‌ఫ‌రా నిలిచిపోయినా.. కార్డియాక్ అరెస్ట్ వ‌స్తుంది. ఈ స‌మ‌స్య‌నే చాలా మంది యువతలో వ‌స్తుండ‌డం నేడు వైద్యులను సైతం ఆందోళ‌నకు గురిచేస్తుంది.
కార్డియాక్ అరెస్ట్, హార్ట్ ఎటాక్ వ‌చ్చేందుకు అనేక కార‌ణాలు ఉంటాయ‌ని వైద్యులు చెబుతున్నారు. సాధార‌ణంగా 45 ఏళ్లు పైబ‌డిన వారికి ఈ సమస్యలు వ‌చ్చే అవ‌కాశాలు ఎక్కువ‌గా ఉంటాయి. అలాగే అతిగా మ‌ద్యం సేవించేవాళ్లకు, పొగ తాగేవారు, అధిక బ‌రువు ఉన్న‌వారు, హైబీపీ, డ‌యాబెటిస్ ఉన్న‌వారికి ఈ సమస్యలు ఎక్కువ‌గా వ‌స్తాయి. అతిగా వ్యాయామం చేసినా గుండె సమస్యలు వ‌స్తాయి.
గుండె సమస్య ఉంటే కనిపించే లక్షణాలు..
ఛాతిలో నొప్పిగా లేదా అసౌక‌ర్యంగా అనిపిస్తుంది.
ఛాతిపై బ‌రువు పెట్టిన‌ట్లు ఉంటుంది.
ఛాతి నిండుగా బ‌రువుగా ఉన్న‌ట్లు, పిండుతున్న‌ట్లు, సూదుల‌తో గుచ్చిన‌ట్లు అనిపిస్తుంది.
అయితే కొన్ని సంద‌ర్భాల్లో కొన్ని నిమిషాల పాటు మాత్రమే ఇలాంటి లక్షణాలు ఉంటాయి.
ఈ లక్షణాలు కొంద‌రికి ప‌దే ప‌దే వ‌స్తుంటాయి. అలాంటి వారు వెంట‌నే జాగ్ర‌త్త ప‌డాలి.
చల్లగా ఉన్నప్పటికీ చెమెటలు పడుతున్నాయి..
ఇక గుండె సమస్యలు ఉన్న‌వారికి చెమ‌ట‌లు ప‌డుతుంటాయి. వాతావ‌ర‌ణం చల్లగా ఉన్నప్పటికీ విప‌రీత‌మైన చెమ‌ట‌లు ప‌డుతుంటే అనుమానించాలి. అలాగే కొంద‌రికి వికారం, త‌ల‌తిర‌గ‌డం, చేతుల్లో నొప్పులు, వెన్నులో, మెడపై నొప్పులు వ‌స్తుంటాయి.
గుండె సమస్యలు ఉన్న‌వారిలో అంద‌రిలోనూ ఇవే లక్షణాలు, ఇన్ని లక్షణాలు కనిపించవు.. భిన్నంగా ఉంటాయి. అలాగే స్త్రీ, పురుషుల్లో కనిపించే లక్షణాలు కూడా మారుతాయి. మ‌హిళ‌ల‌కు ఎక్కువ‌గా శ్వాస తీసుకోవ‌డంలో ఇబ్బందులు ఎదుర‌వ‌డం, వికారం, వాంతికి వ‌చ్చిన‌ట్లు అనిపించ‌డం వంటి లక్షణాలు క‌నిపిస్తాయి. వెన్ను లేదా ద‌వ‌డ‌ల్లో నొప్పిగా అనిపిస్తుంది. ఈ క్ర‌మంలోనే ఈ లక్షణాలు ఎవ‌రిలో అయినా క‌నిపిస్తే ఏమాత్రం ఆల‌స్యం చేయకుండా వెంట‌నే డాక్ట‌ర్‌ను క‌లిసి ప‌రీక్ష‌లు చేయించుకుని.. అవ‌స‌రం అయితే చికిత్స తీసుకోవాలి. దీని వ‌ల్ల కార్డియాక్ అరెస్ట్, హార్ట్ ఎటాక్ వంటివి రాకుండా ముందుగానే జాగ్ర‌త్త ప‌డ‌వ‌చ్చు.
అలాగే బాడీలో చెడు కొలెస్ట్రాల్‌ లేకుండా చూసుకోవాలి.. ఒకవేల ఉంటే.. అది కరిగించుకునే ఆహారాలు తినాలి, వ్యాయామం చేయాలి. బీపీ ఉన్నవాళ్లు అది కంట్రోల్లో ఉంచుకోవాలి.
గమనిక :
ఇందులోని అంశాలు, సూచనలు, సలహాలు, సమాచారం కేవలం అవగాహన కోసం మాత్రమే. ఇది వైద్య నిపుణుల సూచనలకు ప్రత్యామ్నాయం కాదు.. సందేహాలు సంబంధిత నిపుణుల‌ను సంప్ర‌దించండి.
