Summer safety tips : సూర్యుడి నుంచి రక్షణ ఎలా....?
summer tips : ఎండాకాలం నెమ్మదిగా మొదలవుతుంది. నడినెత్తిన సూర్యుడు నిల్చుని శరీరంలో నీళ్లంతా స్వాహా చేసేస్తున్నాడు. దానికి తోడు చెమట ఉక్కిరిబిక్కిరి చేసేస్తోంది. సాధారణంగా ఈ కాలంలో అధిక ఉష్ణోగ్రతలు, ఉక్కపోత కారణంగా చర్మ సమస్యలు బయలుదేరుతాయి.
అప్పుడే మండిపోతున్నాడు సూర్యుడు. బయట అడుగుపెట్టాలంటేనే మదనపడిపోతున్నారు. ఇంకా అసలైన ఎండాకాలంలో పరిస్థితి చెప్పనక్కర్లేదేమో...... అలాంటి సమయాల్లో దేహానికి కాస్త బందోబస్తు కావాలి మరి.ఎండాకాలం నెమ్మదిగా మొదలవుతుంది. నడినెత్తిన సూర్యుడు నిల్చుని శరీరంలో నీళ్లంతా స్వాహా చేసేస్తున్నాడు. దానికి తోడు చెమట ఉక్కిరిబిక్కిరి చేసేస్తోంది. సాధారణంగా ఈ కాలంలో అధిక ఉష్ణోగ్రతలు, ఉక్కపోత కారణంగా చర్మ సమస్యలు బయలుదేరుతాయి. లేని వారికి కూడా సమస్యలు వస్తాయి. అలాంటప్పుడు మరి జాగ్రత్త అవసరం కదా....
వేసవి బాధల నుంచి బయటపడేందుకు అమ్మాయిల కష్టాలు అంతాఇంతా కాదు. మొటిమలు తగ్గడానికి ఇంటి చిట్కాలు తెగ పాటించేస్తుంటారు. పార్లర్లకు వెళ్తుంటారు. జంక్ ఫుడ్ కు దూరంగా ఉండాలంటూ.....నియమాలన్నీ అమలు చేసేస్తుంటారు. సాధారణంగా వేసవిలో బయట కాలు పెట్టేప్పుడు....నెత్తిన టోపీ, ముఖానికి మాస్క్, చేతులకు గ్లౌజులు, చేతిలో నీళ్లసీసా, గొడుగు తప్పనిసరి. ఎందుకంటే సూర్యకిరణాలు డైరక్ట్ గా మనపై పడిన సమస్యలు రాకుండా ఉండటానికి....ఇవన్నీ పాటిస్తాం. వేసవిలో ఎన్ని జాగ్రత్తలు తీసుకున్నా చర్మం జిడ్డుగా మారడం ఖాయం. మరి ముందునుంచే జిడ్డు చర్మం ఉండే అమ్మాయిలు మాత్రం ఇంకాస్త అవస్థలు పడుతుంటారు. దాని వల్ల పొక్కులు, అలెర్జీ వంటి వస్తాయి. చర్మం పొడిబారిపోవడం కూడా జరుగుతుంది.
అయితే మొటిమలు, చర్మ సమస్యలకు దూరంగా ఉండాలంటే ఈ పద్ధతులు పాటించాలని నిపుణులు చెబుతున్నారు. వేసవిలో ఫైబర్ మోతాదు ఉండే పదార్థాలు తీసుకోవాలని సూచిస్తున్నారు. నట్స్, ఓట్స్, బార్లీ, ఆపిల్, క్యారెట్, అవిసె గింజలు, జామ, తృణధాన్యాలు రోజువారీ ఆహారంలో చేర్చుకుంటే.... చర్మంలో ఉండే నూనెలు బయటకు వస్తాయని చెబుతున్నారు. విటమిన్ ఏ చర్మాన్ని యూవీ కిరణాల నుంచి రక్షించడంతో పాటు మచ్చలు, మొటిమలను తొలగిస్తాయని చెబుతున్నారు. పాలకూర, చిలగడ దుంప, క్యారెట్, పాలు, పెరుగు, చీజ్ గుడ్లు, సాల్మన్ చేప, గుమ్మడికాయ గింజలు, కిడ్నీ బీన్స్, చికెన్, రెడ్మీట్, గుడ్లు తింటే మంచిది.
ఇంకో విషయం మర్చిపోకు మిత్రమా.....అదే కరకరలాడే బజ్జీలు, పకోడీలకు దూరంగా ఉండాల్సిందే. అవి రోజు తింటే పిండిపదార్థాలు, నాణ్యత లేని నూనెలు ఉండటం వల్ల చర్మంలో కొవ్వులు పేరుకుపోతాయి. రక్త ప్రసరణను కూడా దెబ్బతీస్తుంది. సోడాలు, ప్యాకేజ్డ్ ఫుడ్స్, క్రిస్పీ ఫుడ్స్, ఫ్యాట్ ఫుడ్స్, స్వీట్స్ తినకపోవడమే మంచిదని చెబుతున్నారు.
మామూలుగా ఉప్పు అనేది చాలా తక్కువ మోతాదులో తీసుకోవాలి. వేసవిలో ఉప్పు ఎక్కువగా తినడం వల్ల మొటిమలు ఎక్కువయ్యే ప్రమాదం ఉంది. కచ్చితంగా రోజూ నీళ్లు తాగడం మర్చిపోవద్దు సుమా....అసలు నీళ్లు తాగకపోవడం వల్లే అసలు సమస్యలు వస్తాయి. వ్యర్థాలు పేరుకుపోవడం వల్ల మొటిమలు వస్తాయి. రోజూ నీళ్లు తాగడం వల్ల చర్మంలో పేరుకుపోయిన వ్యర్థాలు బయటకు వచ్చేయడంతో కాంతివంతంగా కనిపిస్తుంది. టాక్సిన్స్ కూడా తొలగిపోతాయి.